شايفين تمثال الشهداء؟

طيب تمثال بشارة الخوري؟

وتمثال رياض الصلح؟

وكثير تماثيل غيرها

بس شي مرة شفتوا تمثال المرأة العاملة الأجنبية؟

أكيد لأ!

التقارير الحقوقية بتقول إنو في عاملة أجنبية تنتحر أو تُنتَّحَرْ كل أسبوع

مش كثير؟؟؟ من ورا شو؟ شو يلي بخلي عاملة قطعت ألاف الأميال لتأمن لقمة عيشها وعيش عيلتها وولادها بظروف قاهرة

انّها 

كل أسبوع تقتل حالها أو تموت

لأي سبب من الأسباب

تحرش جنسي …ضرب…عدم دفع المعاش…تعذيب…النوم عالبرندا أو بالمطبخ…الحرمان من الأكل وانوم كمان العمل ١٨ ساعة متواصلة سبعة أيام بالأسبوع

صار وقت نكرمهن ونفتخر بوجودهن على أرضنا

صار وقت كل ما ماتت عاملة أجنبية نردلها إعتبارها ونخبر كل العالم عنها لما ماتت وكيف ماتت

وما في شي يضل واضح للأعين وقدام الكل غير تمثال

تمثال يكرم مساهمتهن لإقتصادنا وثقافتنا وأولادنا.

كرمال كل هيدا عم نفتش عاحدا يعملنا تمثال من شغله/ا وتصميمه/ا

مين فيه/ا ي/تساهم؟

Please please please write us of any people you can think of at [email protected]